ÉRE-ÉRE? ÉRE-CERTO!

I tenba un biás, un omi garadi na si moransa.
Omi sinta di noti i miskunha dianti di si fidju matchu kuma:
- Eh, ma és anu na kumpra un baka burmedju bonitu pa i bin dan 
manga di fidjus ku liti tambi.
Si fidju, nundé ki sintanel i na brinka ku si mandjuas, lanta firkit, i
fala:
- Baba, kumpra nta bin bata montal bô, Baba?

Omi garandi nerva, i lanta i toma manduku i suta si fidju tok i mata.
Nin i ka kumpra inda baka.

Ora,

És historia kiri parsi ku kil ku passa entre Ciprianu Cassamá ku 
nhu Dimingu Dinguinhu. 

Ciprianu Cassamá kuma tudu omi tene ambison na vida. Pabia di kila i konta sedu kuma ki bada el ku na montal. I mostra karta ki fasi: "ali li". Biró-pulitico sibi. Kombatentes sibi. Tudu djintis sibi, té ba Manecas sibi kuma é baka, nhu Cuprianu Cassamá ku na montal.

Nhu Ciprianu konta kuma i mati na kumpu statutu di PAIGC. I sibi kuma i ten inda ku passa na primaria di si partidu.

Ma, nhu Ciprianu konta kuma si surpres i otcha i na purpara pa bai Angola, i bai konta nhu Dimingu Dinguinhu suma Prisidenti di PAIGC kuma i bin nan reafirmal kuma ki baka el ku na bata montal.

Nhu Dimingu Dinguinhu ruspundil:
- Anta, ami gora?